జోరుగా అక్రమ వెంచర్లు...!?

ఒగ్లాపూర్‌లో బహిరంగంగా విక్రయాలు
కరువైన అధికారుల పర్యవేక్షణ

Rampant illegal real estate ventures…!? హనుమకొండ జిల్లా దామెర మండలంలో అక్రమ వెంచర్లు జోరుగా సాగుతున్నాయనే ఆరోపణలు రోజురోజుకూ బలపడుతున్నాయి. గ్రామీణ ప్రాంతాల్లో వ్యవసాయ భూములను ఎలాంటి అధికారిక అనుమతులు లేకుండానే ప్లాట్లుగా విభజించి విక్రయిస్తున్నారని స్థానికులు ఆందోళన వ్యక్తం చేస్తున్నారు. నిబంధనలను బేఖాతరు చేస్తూ వెంచర్లు వేస్తున్నా, వాటిని అడ్డుకోవాల్సిన సంబంధిత అధికారులు మాత్రం చూసీ చూడనట్లు వ్యవహరిస్తున్నారనే విమర్శలు వినిపిస్తున్నాయి.

Rampant illegal real estate ventures…!?

అనుమతులు లేని లేఔట్ల వల్ల గ్రామ పంచాయతీలకు రావాల్సిన అభివృద్ధి రుసుములు, ఇతర ఆదాయాలు భారీగా కోల్పోతున్నాయి. మరోవైపు భూముల ధరలు అమాంతం పెరగడంతో నిజంగా ఇల్లు కట్టుకోవాలనుకునే మధ్యతరగతి, పేద కుటుంబాలకు సొంత స్థలం కొనుగోలు చేయడం భారంగా మారుతోంది. డిమాండ్‌ను అవకాశంగా మలుచుకున్న కొందరు వ్యాపారులు లక్షల రూపాయలు ఆర్జిస్తున్నప్పటికీ, ప్రభుత్వానికి రావాల్సిన ఆదాయం మాత్రం దక్కడం లేదనే అభిప్రాయాలు వ్యక్తమవుతున్నాయి.

Rampant illegal real estate ventures…!?

ఒగ్లాపూర్‌లో బహిరంగంగా విక్రయాలు

దామెర మండలం ఒగ్లాపూర్ గ్రామ పరిసరాల్లో అనధికారికంగా వెంచర్లు ఏర్పాటు చేసి ప్లాట్ల విక్రయాలు బహిరంగంగానే కొనసాగుతున్నాయని గ్రామస్తులు ఆరోపిస్తున్నారు. అనుమతులు లేని వెంచర్లపై చర్యలు తీసుకోవాలని పలుమార్లు అధికారుల దృష్టికి తీసుకెళ్లినా ఫలితం లేకపోయిందని వారు చెబుతున్నారు. గ్రామీణ ప్రాంతాల్లో కొందరు స్థానిక నాయకుల ఒత్తిళ్లు అధికారులపై ఉన్నాయనే ప్రచారం కూడా సాగుతోంది. ఇదే కారణంగా అక్రమ లేఔట్లపై చర్యలు తీసుకోవడంలో అధికారులు వెనుకంజ వేస్తున్నారా అనే ప్రశ్నలు తలెత్తుతున్నాయి. నిబంధనలు ఉల్లంఘించిన వారిపై చర్యలు లేకపోవడంతో అక్రమ వెంచర్ల నిర్వాహకులు మరింత ధైర్యంగా వ్యవహరిస్తున్నారని స్థానికులు పేర్కొంటున్నారు.

Rampant illegal real estate ventures…!?

స్థానికుల అభిప్రాయాలు ఏంటంటే…

అనుమతులు లేని అన్ని వెంచర్లపై సమగ్ర విచారణ చేపట్టాలి.
నిబంధనలు ఉల్లంఘించిన నిర్వాహకులపై చట్టపరమైన చర్యలు తీసుకోవాలి.
పంచాయతీలకు జరిగిన ఆదాయ నష్టాన్ని అంచనా వేయాలి.
భవిష్యత్తులో అక్రమ లేఔట్లు వెలువడకుండా ప్రత్యేక పర్యవేక్షణ ఏర్పాటు చేయాలి.

Rampant illegal real estate ventures…!?

ఎంపీవో స్పందన లేదు

ఈ ఆరోపణలపై వివరణ కోసం ‘జన నిర్ణయం’ తరఫున దామెర ఎంపీవో రంగాచారిని ఫోన్ ద్వారా పలుమార్లు సంప్రదించినప్పటికీ, ఆయన స్పందించకపోవటం గమనార్హం.

గమనిక : ఈ కథనం స్థానికుల ఆరోపణలు జన నిర్ణయం మండల రిపోర్టర్ కు అందిన విశ్వాసనీయ సమాచారం. బహిరంగా కనిపిస్తున్న నిబంంధనలు అతిక్రమించి వెలిసిన వెంచర్ల ఆధారం. సంబంధిత అధికారులు లేదా ఇతర పక్షాల నుంచి స్పందన లభిస్తే, దానిని కూడా ప్రచురించడానికి ‘జన నిర్ణయం’ సిద్ధంగా ఉంది.