ఢిల్లీ కోటలో 'రేవంత్' సైన్యాధ్యక్షుడు.. ఎంపీగా 'వేం నరేందర్ రెడ్డి' నవశకం..!

‘Revanth’ is the army chief in Delhi Fort.. ‘Vem Narender Reddy’ is a new age as an MP..! దశాబ్దాల రాజకీయ అనుభవం, క్లిష్ట సమయాల్లో అండగా నిలిచే నమ్మకం, తెరవెనుక ఉండి చక్రం తిప్పే వ్యూహచతురత.. ఇవన్నీ కలగలిపిన వ్యక్తిత్వం వేం నరేందర్ రెడ్డిది. కేవలం ముఖ్యమంత్రికి సలహాదారుగానే కాకుండా, ఇప్పుడు రాజ్యసభ సభ్యుడిగా (MP) దేశ రాజధానిలో తెలంగాణ గళాన్ని వినిపించేందుకు సిద్ధమైన వేం నరేందర్ రెడ్డి రాజకీయ ప్రస్థానంపై ప్రత్యేక కథనం.

‘Revanth’ is the army chief in Delhi Fort.. ‘Vem Narender Reddy’ is a new age as an MP..!

నమ్మకానికి మారుపేరు – రేవంత్‌తో సుదీర్ఘ ప్రయాణం

వేం నరేందర్ రెడ్డి కేవలం రాజకీయ నాయకుడే కాదు, ముఖ్యమంత్రి రేవంత్ రెడ్డికి “షాడో” లాంటి వారు. తెలుగుదేశం పార్టీ కాలం నుండి రేవంత్ రెడ్డి పడ్డ ప్రతి కష్టంలోనూ, సాధించిన ప్రతి విజయంలోనూ నరేందర్ రెడ్డి పాత్ర కీలకం. కాంగ్రెస్ పార్టీ అధికారంలోకి వచ్చిన తర్వాత ఆయనను ముఖ్యమంత్రికి అత్యంత కీలకమైన రాజకీయ సలహాదారుగా (Cabinet Rank) నియమించడం ద్వారా రేవంత్ తన నమ్మకాన్ని చాటుకున్నారు. ఇటీవల 2026 మార్చిలో జరిగిన రాజ్యసభ ఎన్నికల్లో వేం నరేందర్ రెడ్డి ఏకగ్రీవంగా ఎన్నికయ్యారు. అధిష్టానం ఆయనపై ఉంచిన నమ్మకానికి ఇది నిదర్శనం. గురువారం ఆయన ఎంపీగా ప్రమాణ స్వీకారం చేశారు.
‘Revanth’ is the army chief in Delhi Fort.. ‘Vem Narender Reddy’ is a new age as an MP..!

వరంగల్ జిల్లా కేసముద్రం మండలం అర్పనపల్లిలో జన్మించిన ఆయన, విద్యార్థి దశ నుండే నాయకత్వ లక్షణాలు చాటారు. ఎమ్మెల్యేగా 2004లో మహబూబాబాద్ నియోజకవర్గం నుండి ఎమ్మెల్యేగా విజయం సాధించి అసెంబ్లీలో అడుగుపెట్టారు. 2017లో రేవంత్ రెడ్డితో కలిసి కాంగ్రెస్ తీర్థం పుచ్చుకున్నారు. అప్పటి నుండి పార్టీ బలోపేతానికి, ముఖ్యంగా ఎన్నికల వ్యూహరచనలో కీలక పాత్ర పోషిస్తూ వస్తున్నారు.
‘Revanth’ is the army chief in Delhi Fort.. ‘Vem Narender Reddy’ is a new age as an MP..!

ట్రబుల్ షూటర్‌గా గుర్తింపు

పార్టీలో ఏదైనా అసంతృప్తి నెలకొన్నా లేదా ఇతర పార్టీల నేతలతో సమన్వయం చేసుకోవాల్సి వచ్చినా వేం నరేందర్ రెడ్డి రంగంలోకి దిగుతారు. పీసీసీ ఉపాధ్యక్షుడిగా పనిచేసిన సమయంలో జిల్లాల వారీగా పార్టీ కేడర్‌ను ఏకం చేయడంలో ఆయన సఫలీకృతులయ్యారు. అందుకే ఆయనను పార్టీలో అందరూ ‘వ్యూహకర్త’ అని పిలుచుకుంటారు.సలహాదారు స్థాయి నుండి ఇప్పుడు పెద్దల సభకు ఎన్నికైన వేం నరేందర్ రెడ్డి, రానున్న రోజుల్లో ఢిల్లీ వేదికగా తెలంగాణ సమస్యలపై పోరాడటంతో పాటు రాష్ట్ర అభివృద్ధిలో కీలక పాత్ర పోషించబోతున్నారు. ముఖ్యమంత్రి రేవంత్ రెడ్డికి ఢిల్లీలో ఒక బలమైన గొంతుకగా ఆయన నిలవనున్నట్లు రాజకీయ వర్గాలు భావిస్తున్నాయి.