నమస్తే తెలంగాణ కార్యాలయంపై దాడి యత్నం హేయమైన చర్య

తీవ్రంగా ఖండించిన “టిడబ్ల్యూజేఎఫ్”

Attempted attack on Namaste Telangana office is a heinous act : నమస్తే తెలంగాణ వరంగల్ యూనిట్ కార్యాలయంపై దాడి యత్నం హేయమైన చర్య అని ఈ దాడి యత్నాన్ని “టిడబ్ల్యూజేఎఫ్” హనుమకొండ జిల్లా అధ్యక్ష కార్యదర్శులు టీవీ రాజు, అంతడుపుల శ్రీనివాస్, ఉపాధ్యక్షులు దామెర రాజేందర్ తీవ్రంగా ఖండిస్తున్నట్లు తెలిపారు. వార్తలు రాసే పత్రికలకు స్వేచ్ఛ ఉంటుందని, వ్యతిరేక వార్తలు వస్తే, వాటికి ఖండనలు ఇవ్వటం, వివరణలు ఇవ్వటం చేయాలి కానీ బెదిరింపులకు పాల్పడటం, భౌతిక దాడులకు దిగటం సరైనది కాదని అన్నారు. ఇలాంటి చర్యలకు ప్రజాస్వామ్యంలో చోటులేదని వారు అన్నారు. ప్రజాస్వామ్యంలో నాలుగోస్థంభంగా ఉన్న మీడియాపై బెదిరింపులకు దిగటం మంచిపద్దతి కాదని హితువు పలికారు. దాడికి ఉసిగొల్పిన వారిని గుర్తించి చట్టపరమైన చర్యలు చేపట్టాలని డిమాండ్ చేశారు. భావప్రకటనా స్వేఛ్చ పై దాడి సరికాదని, అధికార పార్టీ నేతలు సంయమనం పాటించాలని మీడీయాపై దాడులను ప్రోత్సహించటం సరికాదని వారికి టిడబ్ల్యూజేఎఫ్ హన్మకొండ జిల్లా కమిటీ అధ్యక్ష కార్యదర్శులు టివి రాజు, అంతడుపుల శ్రీనివాస్, ఉపాధ్యక్షులు దామెర రాజేందర్ హితువు పలికారు.