- ఎస్సై వి. గోవర్ధన్
Precautions are needed during fog and snow నల్లబెల్లి మండలంలో పొగమంచు తీవ్రత పెరుగుతున్న నేపథ్యంలో పౌరులు, ప్రయాణికులు అత్యంత జాగ్రత్తలు తీసుకోవాలని నల్లబెల్లి ఎస్ఐ గోవర్ధన్ సూచించారు. ఉదయం పూట కనిపించే ఘనమైన మంచు కారణంగా విజిబిలిటీ తగ్గిపోవడంతో రహదారులపై ప్రమాదాలు సంభవించే అవకాశాలు ఎక్కువగా ఉంటాయని తెలిపారు. అత్యవసర కారణం తప్పితే ఉదయం ఎనిమిది గంటలలోపు ప్రయాణాలను వాయిదా వేసుకోవడం మంచిదన్నారు.
మంచు ఎక్కువగా కురిసే సమయంలో తప్పనిసరిగా వాహనాల హెడ్‌లైట్లు ఆన్‌లో ఉంచడం, వేగాన్ని తగ్గించడం, రహదారిపై దూరం పాటించడం వంటి జాగ్రత్తలు తప్పనిసరిగా తీసుకోవాలని ఎస్ఐ గోవర్ధన్ సూచించారు. ముఖ్యంగా జాతీయ రహదారి మార్గంలో ప్రయాణించే వారు మరింత అప్రమత్తంగా ఉండాలని, నియమ నిబంధనలు పాటిస్తేనే గమ్యస్థానానికి సురక్షితంగా చేరుకోవచ్చని తెలిపారు. ప్రజల భద్రత కోసం పోలీసులు అవసరమైన చర్యలు చేపడుతున్నట్లు పేర్కొన్నారు.
About the Author
