Indira Gandhi Jayanti celebrations at Shayampet Mandal Center హనుమకొండ జిల్లా శాయంపేట మండల కేంద్రంలో దేశ తొలి మహిళా ప్రధాని ఇందిరా గాంధీ జయంతి వేడుకలను కాంగ్రెస్ పార్టీ మండల అధ్యక్షుడు దూదిపాల బుచ్చిరెడ్డి ఆధ్వర్యంలో ఘనంగా నిర్వహించారు. ఈ కార్యక్రమంలో కాంగ్రెస్ పార్టీ నాయకులతో కలిసి ఇందిరా గాంధీ చిత్రపటానికి పూలమాల వేసి ఘనంగా నివాళులర్పించారు. అనంతరం బుచ్చిరెడ్డి మాట్లాడుతూ ఇందిరా గాంధీ ప్రజల సౌకర్యార్థం బ్యాంకులను జాతీయకరణ చేసి జాతికి అంకితం చేసిన ఘనత ఆమెకే దక్కుతుందని కొనియాడారు. దేశవ్యాప్తంగా ఇల్లు లేని నిరుపేదలకు ఇల్లు నిర్మించి ఇవ్వడం కాకుండా భూమి లేని వారికి భూమి పంచిపెట్టిన చరిత్ర ఇందిరాగాంధీ హయాంలోనే జరిగినదని అన్నారు. ఈరోజు వీరి ఆశయాలకు అనుగుణంగానే మన రాష్ట్రంలో ప్రజా పాలన జరుగుతుందని ముఖ్యమంత్రి రేవంత్ రెడ్డి ప్రజలకు ఇందిరమ్మ ఇల్లు అనే నామకరణం చేశారని అలాగే ఇల్లు లేని పేదలకు ఇల్లు ఇవ్వడం జరుగుతుందని ఇది నిరంతర ప్రక్రియ అని ఇల్లు రాలేదని నిరాశ పడకుండా ఇల్లు లేని ప్రతి పేదవారికి తప్పకుండా విడతలవారీగా ఇల్లు మంజూరు అవుతాయని అన్నారు. ఈ కార్యక్రమంలో వైనాల కుమారస్వామి, చిందo రవి, నిమ్మల రమేష్, బాసని మార్కండేయ, బాసనిరవి, మారేపల్లి కట్టయ్య, వల్పదాసీ వెంకటరమణ, ఎండి రఫీ, వీరన్న, తదితరులు పాల్గొన్నారు.
About the Author
