పాత బస్టాండుకు పూర్వవైభవం

ఇది అఖిలపక్ష ఐక్యవేదిక, ప్రజా సంఘాల విజయం
ఈ పోరాటంలో కలిసి వచ్చిన ప్రతి ఒక్కరికి ధన్యవాదాలు

The old bus stand’s former glory వనపర్తి జిల్లా ఆర్టీసీ R.M గారు, అధికారులు అధికారికంగా ప్రారంభించిన పాత బస్టాండ్ ను మంగళవారం పరిశీలించిన ఐక్యవేదిక అధ్యక్షుడు సతీష్ యాదవ్ మాట్లాడుతూ, గత 20 సంవత్సరాలుగా మూతపడ్డ పాత బస్టాండ్ ను నాలుగు సంవత్సరాలుగా అఖిలపక్ష ఐక్యవేదిక చేసిన పోరాటం వల్లనే అధికారులు స్పందించి మళ్లీ ఓపెన్ చేశారని, ఇందుకు అధికారులకు పోరాటం చేసిన అఖిలపక్ష ఐక్యవేదిక నాయకులకు మరియు ప్రజా సంఘాలకు ముఖ్యంగా పత్రికా, మీడియా మిత్రులకు ధన్యవాదాలు తెలుపుతున్నామని ప్రజల కోసం పోరాటం చేస్తే ఇలాంటి ఎన్నో విజయాలు సాధించవచ్చు అని తెలిపారు. దీంతోపాటు పాత బస్టాండ్ సుందరీకరణ కోసం ఎమ్మెల్యే గారు సంబంధిత మంత్రి గారు కలెక్టర్ గారు కల్పించుకొని నిధులు తెచ్చి రోడ్లు మరియు, మరుగుదొడ్లు, ప్రజలు ఉండడానికి తగిన నీడ కల్పించవలసిందిగా కోరుతున్నట్లు తెలిపారు. అలాగే 40 సంవత్సరాలుగా అక్కడే ఉన్న చిరు (పూల) వ్యాపారులకు రక్షణ కల్పించాలని, వారికి శాశ్వతమైన షాపులు వేయించాలని డిమాండ్ చేస్తున్నామని అన్నారు. ఈ కార్యక్రమంలో అఖిలపక్ష ఐక్యవేదిక నాయకులు డాక్టర్ సతీష్ యాదవ్, వెంకటేశ్వర్లు, కొత్త గొల్ల శంకర్, గౌనికాడి యాదయ్య, బొడ్డుపల్లి సతీష్, శివకుమార్, కృష్ణయ్య, ప్రజాసంఘాలు నాయకులు గంధం నాగరాజు, రిటైర్డ్ హెచ్.ఎం శంకర్ గౌడ్, బండారు శ్రీనివాసులు, ఆర్టీసీ కార్మికులు, ప్రజలు పాల్గొన్నారు.