- ఏసీపీ వెంకటేశ్వర్లుకు వోపా నాయకుల ఆహ్వానం
Karthika forest feasts of Vishwa Brahmins on the 16th ఈ నెల 16న ఓరుగల్లు ఉమ్మడి జిల్లా విశ్వబ్రాహ్మణ సంఘాల ఆధ్వర్యంలో నిర్వహించే కార్తీక వనభోజనాల కార్యక్రమానికి సంఘీయులు అధిక సంఖ్యలో హాజరు కావాలని విశ్వబ్రాహ్మణ ఆఫీషియల్స్ అండ్ ప్రొఫెషనల్ అసోసియేషన్ (వోపా) వరంగల్ ఉమ్మడి జిల్లా అధ్యక్షులు శ్రీరామోజు నాగరాజారావు, అసోసియేట్ అధ్యక్షులు డాక్టర్ పొడిచెట్టి విష్ణువర్ధన్, ప్రధాన కార్యదర్శి మహేశ్వరం భిక్షపతి కోరారు. విశ్వబ్రాహ్మణ కార్తీక వనభోజనాల విజయవంతానికి గాను వోపా ఆధ్వర్యంలో ఉమ్మడి వరంగల్ జిల్లాలోని ఉద్యోగులు, న్యాయవాదులు, వైద్యులు తదితర ప్రముఖులను కలిసి వనభోజనాలకు సంబందించిన ఆహ్వాన పత్రికలను అందించి కుటుంబ సమేతంగా హాజరు కావాలని కోరారు. ఈ సందర్బంగా విశ్వబ్రాహ్మణ జాతీయులు, మామునూరు అసిస్టెంట్ కమిషనర్ ఆఫ్ పోలీస్ నర్సింగోజు వెంకటేశ్వర్లును కలిసి ఆహ్వానించారు. 2025 సంవత్సరంలో పదవ తరగతిలో అత్యుత్తమ మార్కులు సాధించిన 10 మంది విశ్వబ్రాహ్మణ విద్యార్థులను ఎంపిక చేశామని వారికి కార్తీక వనభోజనాల కార్యక్రమంలో నగదు ప్రోత్సాహకాలు అందించనున్నట్లు వివరించారు. వనభోజనాలు వరంగల్ మై మాస్టర్స్ పాఠశాల వెనుక ప్రాంతం దూపకుంట రోడ్డు లోని మామిడితోటలో ఉదయం 8 గంటల నుండి సాయంత్రం 5 గంటల వరకు జరుగుతుందన్నారు. కార్యక్రమంలో తెలంగాణ రాష్ట్ర విశ్వబ్రాహ్మణ విశ్వకర్మ సంఘం ప్రధాన కార్యదర్శి చోల్లేటి కృష్ణమాచారి,నాయకులు పెందోట సురేష్ కుమార్,గజ్జెల వీరన్న, వీణవంక సదానందం, శ్రీరామోజు నాగరాణి, రాజనందాచారి,శ్రీరామోజు నాగసోమేశ్వరాచారి, సిద్దోజు వీరన్న తదితరులు పాల్గొన్నారు.
About the Author
