కోతుల బారి నుండి కాపాడండి

ప్రజలను, పంట పొలాలను కాపాడాలని అటవీ శాఖ కార్యాలయం ఎదుట సీపీఎం ఆధ్వర్యంలో ధర్నా

Save me from the clutches of monkeys కోతుల భారీ నుండి ప్రజలను పంట పొలాలను రక్షించాలని డిమాండ్ చేస్తూ ములుగు జిల్లా సిపిఎం పార్టీ ఆధ్వర్యంలో జిల్లా అటవీశాఖ కార్యాలయం ఎదుట ధర్నా చేయడం జరిగింది. అనంతరం రేంజర్ శంకర్ కు వినతిపత్రం అందించారు. ఈ సందర్భంగా సిపిఎం జిల్లా కార్యదర్శి వర్గ సభ్యులు రత్నం రాజేందర్ మాట్లాడుతూ జిల్లాలోని అనేక గ్రామాల్లో కోతుల సమస్యతో గడిచిన 10 సంవత్సరాలనుండి ప్రజలు అనేక ఇబ్బందులు పడుతున్నారని పంటపొలాలను కోతులు సర్వనాశనం చేస్తున్నాయని అన్నారు. పెరట్లో ఏ పంట వేసుకున్న, కూరగాయలు పెట్టుకున్న , పండ్ల చెట్లు పెట్టుకున్న నాశనం చేస్తున్నాయని అన్నారు.

Save me from the clutches of monkeys

కోతులు ఉదయం నుండి సాయంత్రం ఏడు గంటల వరకు ఎవరు దొరుకుతే వారి పైన దాడులు చేస్తూ కొరుకుతున్నాయని రోడ్డుపై ప్రయాణించే ప్రయాణికులు సైతం కోతుల వల్ల ప్రమాదాలకు గురైన సందర్భాలు ఉన్నాయని అన్నారు. స్కూల్ పిల్లల సైతం ధైర్యంగా టిఫిన్ బాక్సులు పట్టుకొని వ్యాన్ ఎక్కే పరిస్థితి లేదన్నారు. అందుకనే కోతులను ఫారెస్ట్ డిపార్ట్మెంట్ మరియు రెవెన్యూ డిపార్ట్మెంట్ గ్రామపంచాయతీలు సంయుక్తంగా కోతులను పట్టుకొని దట్టమైన అడవి ప్రాంతాల్లో వదిలివేయాలని అన్నారు. అదేవిధంగా కోతులకు కుటుంబ నియంత్రణ ఆపరేషన్లు కూడా చేయాలని అన్నారు. అడవిలో వదిలేసిన కోతులు తిరిగి గ్రామాల్లోకి రాకుండా అడవిలో వాటికి పండ్ల చెట్లను పెంచాలని అన్నారు. ప్రభుత్వం ఇప్పటికైనా స్పందించి కోతుల సమస్యకు శాశ్వత పరిష్కారాన్ని తీసుకునే విధంగా తగు చర్యలు తీసుకోవాలని అన్నారు. ఈ కార్యక్రమంలో సిపిఎం నాయకులు ఎండిగపూర్ పాషా, అలువాల ఐలయ్య, రత్నం ప్రవీణ్, కుర్ర రాజు, పసుల కోటయ్య, కలువల రవీందర్, రెడ్డి రామస్వామి, జన్ను దేవేందర్, బాలేశ్వర్ , పల్లె నరసయ్య, చంటి, తదితరులు పాల్గొన్నారు.