అభివృద్ధి పనులను పూర్తయ్యేలా చూడండి

ఎమ్మెల్యే నాగరాజుకు ఎన్టీఆర్ నగర్ వాసుల వినతి

See that development works are completed ఎన్టీఆర్ నగర్ లోని కమిటీ హాల్, స్మశాన వాటిక, రోడ్లు తదితర అభివృద్ధి పనులను ప్రారంభించి త్వరితగతిన పూర్తయ్యేలా చూడాలని ఎమ్మెల్యే నాగరాజుకు కాంగ్రెస్ నాయకులు ఎన్టీఆర్ నగర్ అభివృద్ధి కమిటీ ప్రతినిధులు విజ్ఞప్తి చేశారు. బుధవారం గ్రేటర్ వరంగల్ 14వ డివిజన్ పరిధిలోని ఎన్టీఆర్ నగర్ కాలనీవాసులు కాంగ్రెస్ పార్టీ డివిజన్ అధ్యక్షుడు సయ్యద్ ఇంతియాజ్, ఎన్టీఆర్ నగర్ శాఖ అధ్యక్షుడు ఈర్ల రాజేందర్ ఆధ్వర్యంలో కాంగ్రెస్ పార్టీ నాయకులు ఎన్టీఆర్ నగర్ అభివృద్ధి కమిటీ ప్రతినిధులు వర్ధన్నపేట ఎమ్మెల్యే కేఆర్ నాగరాజుని కలిసి వినతిపత్రం సమర్పించారు. ఈ సందర్భంగా వారు మాట్లాడుతూ ఎన్టీఆర్ నగర్లో స్మశాన వాటిక, రోడ్లు, తదితర అభివృద్ధి పనులకు శంకుస్థాపన చేసిన ఇప్పటివరకు ప్రారంభం కాలేదని ఎమ్మెల్యే దృష్టికి తీసుకువచ్చారు. సంబంధిత కాంట్రాక్టర్, అధికారులతో మాట్లాడి పనులు ప్రారంభమయ్యేలా చూడాలని విజ్ఞప్తి చేశారు. కార్యక్రమంలో ఎన్టీఆర్ నగర్ కాంగ్రెస్ పార్టీ, అభివృద్ధి కమిటీ నాయకులు పిట్ట నగేష్, ఈర్ల రాజు, ల్యాగల బిక్షపతి, ఎస్.కె శైజాది, ఓర్సు అంజయ్య, కస్తూరి భారత్, రాజిరెడ్డి, జక్కుల ప్రశాంత్, పిట్ట సుధీర్, రాజబాబు, కొమ్ము వినయ్, తదితరులు పాల్గొన్నారు.