హనుమకొండలో ఘనంగా ప్రజాపక్షం వార్షికోత్సవ
Praja Paksham’s anniversary celebrated in Hanumakonda : ప్రజాపక్షం జాతీయ తెలుగు దినపత్రిక ఏడవ వార్షికోత్సవం హనుమకొండలో బుధవారం ఘనంగా నిర్వహించారు. ఈ సందర్భంగా బాలసముద్రంలోని జిల్లా కార్యాలయంలో సీపీఐ హనుమకొండ జిల్లా కార్యదర్శి కర్రె బిక్షపతి కేక్ కట్ చేసి శుభాకాంక్షలు తెలిపారు. అనంతరం ఆయన మాట్లాడుతూ దినదినాభివృద్ధి చెందుతున్న ప్రజాపక్షం పత్రిక నిరంతరం ప్రజల పక్షాన నిలిచి ప్రజాసమస్యలను వెలుగులోకి తేవడం అభినందనీయమని అన్నారు. భవిష్యత్తులో మరింత అభివృద్ధి చెంది అన్ని వర్గాల ప్రజల ఆదరణ పొందాలని ఆకాంక్షించారు. ఈ సందర్భంగా ప్రజాపక్షం జిల్లా ప్రతినిధి తోట సుధాకర్ ను శాలువాతో సత్కరించారు. ఈ కార్యక్రమంలో సీపీఐ రాష్ట్ర సమితి సభ్యులు సిరబోయిన కరుణాకర్, జిల్లా సహాయ కార్యదర్శులు తోట బిక్షపతి, మద్దెల ఎల్లేష్, జిల్లా నాయకులు ఎన్. అశోక్ స్టాలిన్, కొట్టెపాక రవి, మాలోతు శంకర్, నవచేతన బుక్ హౌస్ మేనేజర్ ఎర్ర నాగరాజు, ప్రజాపక్షం విలేఖరులు ఎండి. ఉస్మాన్ పాషా, కుక్కల రాజు, ఎర్ర కుమారస్వామి, పి. కిషోర్ కుమార్ తదితరులు పాల్గొన్నారు.
About the Author
