అసంఘటిత కార్మికులకు న్యాయం చేయాలి

INTUC మండల అధ్యక్షుడు మారేపల్లి రాజేందర్

జన నిర్ణయం / శాయంపేట :

Justice should be done to unorganized workers అసంఘటిత కార్మికులకు న్యాయం చేయాలని ఐఎన్టీయూసీ శాయంపేట మండల అధ్యక్షుడు మారేపల్లి రాజేందర్ అన్నారు. ఈమేరకు శాయంపేట మండల కేంద్రంలో ఆయన మాట్లాడుతూ కేంద్రంలోని బిజెపి ప్రభుత్వం అసంఘటిత కార్మిక లోకానికి తీరని అన్యాయం చేస్తుందని తక్షణమే కార్మిక లోకానికి క్షమాపణలు చెప్పి కార్మికుల మీద బిజెపి ప్రభుత్వం తీసుకొచ్చిన 1. వేతనాల చెల్లింపు చట్టం 1936. 2. కనీస వేతనాల చట్టం.1948. 3. బోనసు చెల్లింపు చట్టం.1965.4. సమాన వేతన హక్కుల చట్టం1976. అని నాలుగు కోడులను తక్షణమే వెనక్కి తీసుకొని కార్మికులను ఆదుకోవాలని అన్నారు. ఈరోజు బిజెపి ప్రభుత్వం ప్రవేశపెట్టిన ఈ కోడు ల వల్ల కార్మికులు 12 గంటలు పని చేయాల్సి వస్తుందని యాజమాన్యానికి నచ్చకపోతే పనిలో నుంచి తొలగించబడుతున్నారని పిఎఫ్ ఈపీఎఫ్ సౌకర్యాలు ఉన్నాగాని యాజమాన్యాలు వారికి నచ్చుతనే ఉంచుకోవడం లేకపోతే తీసివేయడం జరుగుతుందని అన్నారు .ఎనిమిది గంటలు పని చేసే కార్మికులు కూడా 12 గంటలు పనిచేయాల్సిన పరిస్థితి ఏర్పడుతుందని తక్షణమే ఈ కోడు లను వెనక్కి తీసుకొని కార్మిక లోకానికి క్షమాపణ చెప్పాలని డిమాండ్ చేశారు. లేనియెడల గ్రామాల వారీగా జిల్లాల వారీగా రాష్ట్రాలవారీగా అసంఘటిత కార్మికుల ఆగ్రహానికి గురికావాల్సి వస్తుందని హెచ్చరించారు. కేంద్రంలోని బిజెపి ప్రభుత్వం నరేంద్ర మోడీ ఆధ్వర్యంలో కార్మికుల పక్షాన పనిచేస్తున్నామని గొప్పలు చెప్పుకోవడం తప్ప చేసేదేమీ లేదని అన్నారు.