Diwali celebrations at Sri Sai Vignana Bharathi వరంగల్ మున్సిపాలిటీ 14 వ డివిజన్ మణికంఠ కాలనీకి చెందిన శ్రీ సాయి విజ్ఞాన భారతి హైస్కూల్ నందు దీపావళి వేడుకలు నిర్వహించినట్లు పాఠశాల కరస్పాండెంట్ డాక్టర్ సామల శశిధర్ రెడ్డి తెలిపారు. మట్టితో చేసిన దీపాలను పువ్వులతో అలంకరించి విద్యార్థినీ, విద్యార్థులచే సాంస్కృతిక కార్యక్రమాలు నిర్వహించి, అనంతరం విద్యార్థులచే దీపాలను వెలిగించే కార్యక్రమం చేసినట్లు తెలిపారు. చెడుపై మంచి తప్పక విజయం సాధిస్తుందని కానీ అందుకు తగిన సమయం రావాలని అంత వరదాకా మనం వేచి చూడాలని విద్యార్థులకు పిలుపునిచ్చారు. భూదేవి కోరిన ఒక విచిత్ర కోరిక మూలంగా జన్మించిన నరకాసురుడు దేవతలను సైతం వదలకుండా చాలా ఇబ్బందులకు గురి చేస్తున్న తరుణం లో దేవతలంతా శ్రీకృష్ణుని వద్దకు వెళ్లి నరకాసురుని ఆగడాల గురించి వివరించడంతో బహుళ శుద్ధ చతుర్దశి అమావాస్య రోజున శ్రీకృష్ణుడు సత్యభామ సమేతంగా వెళ్లి నరకాసురునిపై యుద్ధం చేస్తుండగా నరకాసురుడు వేసిన బాణానికి శ్రీ కృష్ణుడు మూర్చపోవడంతో ఆగ్రహించిన సత్యభామ నరకాసురుని వధించడంతో, అక్కడి ప్రజలంతా పండుగ చేసుకుంటారు. చెడుపై మంచి సాధించిన విజయాన్ని ఆ కారు చీకట్లను పారద్రోలి వెలుగులు విరజిమేల ప్రజలంతా దీపాలను వెలిగించడంతో నరక చతుర్దశి దీపావళిగా అనాది కాలం నుండి మనం జరుపుకుంటున్నాం కనుక ఇప్పటికైనా ప్రజలంతా గుర్తుంచుకోవాల్సిన విషయం ఏమిటంటే చెడుపై ఎప్పటికైనా విజయం మంచికే ఉంటుందని కాస్త ఓపిక పడితే చాలు ప్రతి ఒక్కరూ సుఖ సంతోషాలతో ఆనందంగా జీవిస్తారని శశిధర్ రెడ్డి తెలిపారు ఈ కార్యక్రమంలో పాఠశాల ఉపాధ్యాయిని బృందం ఎస్ స్వాతి, ఏం రాధా,రిజ్వాన,ఫాతిమా, శ్రావణి,స్నేహిత రెడ్డి,సునీత మరియు విద్యార్థిని విద్యార్థులు పాల్గొన్నారు.
About the Author
